Yeh ajeeb masla kai logon ko pareshan karta hai: charger lagao to phone on halat mein charge nahi hota, magar phone off karo to charging start ho jati hai. Iska matlab hardware mein koi chhota masla hai — zyada tar cases mein ghar par hi theek ho jata hai.
1. Charger Aur Cable Check Karein
Sab se pehli wajah kamzor charger hai. On halat mein phone bijli use bhi karta hai, is liye weak charger battery ko charge nahi kar pata. Original fast charger aur achi cable se try karein — 70% cases mein yahi hal hai.
2. Charging Port Saaf Karein
Port mein dhool jamne se connection weak ho jata hai. Phone off kar ke narm brush ya toothpick se port halka sa saaf karein. Geeli cheez na use karein.
3. Battery Calibration Ka Masla
Kabhi kabhi phone ka battery percentage ghalat show hota hai. Phone ko 0% tak use kar ke off par full 100% charge karein, phir on kar ke dekhein. Yeh battery ko dobara calibrate kar deta hai.
4. Background Apps Aur Software Bug
Koi app background mein zyada battery kha rahi ho to charging se zyada kharch ho raha hota hai. Settings > Battery mein dekhain kaunsi app sab se zyada use kar rahi hai, aur software update zaroor check karein.
5. Charging IC Ya Battery Ka Masla
Agar upar ke sab hal fail hon, to phone ke andar ki charging IC kamzor ho sakti hai, ya battery purani ho chuki hai. Yeh board-level masla hai — kisi tajurbekar technician se check karwayein. Aisi halat mein phone ko bar bar zabardasti charge karne se battery phool bhi sakti hai, is liye der na karein.
📍 Mian Traderz, Sahiwal — Mobile Repairing Center
📱 WhatsApp: 0347 8750000
🔧 #MobileRepairing #MianTraderz
