WhatsApp Ya Apps Ki Notifications Late Aa Rahi Hain? Yeh Settings Check Karein ⏰

Bohat se users ki shikayat hoti hai ke WhatsApp, Messenger ya bank apps ke messages late miltay hain — kabhi kabhi to app kholnay par hi notifications ati hain. Iski sab se bari wajuhat phone ki battery optimization hai. Naye phones background mein chalne wali apps ko sone (sleep) par laga detay hain taake battery bache, aur isi wajah se notifications ruk jati hain.

Hal: Settings mein ja kar "Apps" ya "Battery" section kholain, us app ko select karein jiski notification late aa rahi hai, aur "Battery optimization" ya "Background activity" ko "Don't optimize" / "Allow background activity" par kar dein. Xiaomi, Oppo aur Vivo phones mein "Autostart" ka option bhi hota hai — usay ON karna zaroori hai.

Doosra check: "Data Saver" mode agar ON hai to background data band ho jata hai; ya to ise OFF karein ya us app ko unrestricted data ki ijazat dein. Teesra: app ke andar apni notification settings check karein — har app mein alag alag notification channels hotay hain. Aakhir mein phone ko ek dafa restart zaroor karein. In steps ke baad bhi masla rahe to app ko update ya reinstall kar ke dekhein.

---

📍 Mian Traderz, Sahiwal — Mobile Repairing Center

📱 WhatsApp: 0347 8750000

🔧 #MobileRepairing #MianTraderz