Phone PC Se Connect Ho Raha Hai Magar Files Transfer Nahi Ho Rahi? Yeh Fix Karein 💻

Phone ko PC se lagaya, charging shuru ho gayi, magar computer mein phone ka folder hi nazar nahi aaya — yeh masla aksar users ko tang karta hai. Ghabrayein nahi, is ki wajah aam tor par aik chhoti si setting hoti hai.

Sab se pehle phone connect karne ke baad notification bar neeche karein. Wahan "Charging this device via USB" ya "USB for file transfer" ka notification hoga. Us par tap karein aur "File Transfer" ya "MTP" select karein. By default aksar phones sirf charging mode par hote hain, is liye files nazar nahi aati.

Agar phir bhi folder na khule to cable change kar ke dekhein — kuch sasti cables sirf charging karti hain, data transfer nahi. Original ya achhi quality ki cable use karein. PC par doosra USB port bhi try karein, aur phone ko restart kar ke dobara connect karein.

Windows par kabhi kabhi driver ka masla hota hai: Device Manager mein phone par yellow warning ho to driver update karein ya phone ki company ka official USB driver install karein. Agar phir bhi na ho to phone ki charging port mein dust check karein — halki si safai aksar masla hal kar deti hai.

---

📍 Mian Traderz, Sahiwal — Mobile Repairing Center

📱 WhatsApp: 0347 8750000

🔧 #MobileRepairing #MianTraderz