Software update ke baad kuch log shikayat karte hain ke phone pehle se slow charge ho raha hai. Ghabrane ki zaroorat nahi — aksar update ke baad phone background mein apps ko dobara set karta hai, jo aik do din mein theek ho jata hai.
Pehel, apna charger aur cable check karein. Update ke saath hi agar cable kharab ho to log ghalat update ko zimmedar thehrate hain. Original ya certified charger istemal karein aur kisi dosre cable se test karein.
Dosra, charging port mein dhool ya lint to nahi. Phone band kar ke naram brush ya lakri ki toothpick se halke se safai karein — sui ya metal cheez kabhi istemal na karein.
Settings > Battery mein dekhein ke "Fast Charging" ya "Optimized Charging" ka option on hai ya nahi. Kuch updates is setting ko reset kar dete hain. Is ko dobara on karein.
Agar 2-3 din baad bhi charging slow hai to phone ko aik dafa full charge aur full discharge kar ke battery ko calibrate karein. Phir bhi masla rahe to battery health technician se check karwayein — ho sakta hai battery ki umar poori ho gayi ho, update sirf ittefaq ho.
📍 Mian Traderz, Sahiwal — Mobile Repairing Center
📱 WhatsApp: 0347 8750000
🔧 #MobileRepairing #MianTraderz
