Touch karnay par screen foran react nahi karti — button dabane mein half second ki der hoti hai? Ise touch lag kehtay hain, aur iski wajuhat aam tor par simple hoti hain. Sab se pehli wajuhat mota ya sasta screen protector hai — kuch tempered glass touch sensitivity kam kar detay hain. Settings > Display mein "Touch sensitivity" ya "Glove mode" ka option ON kar ke dekhein; Samsung aur kai phones mein yeh mojood hai.
Doosri wajuhat: screen par tail, paseena ya halki nami — screen ko microfiber kapray se saaf karein. Teesri wajuhat phone ka storage full hona ya background mein bohat si apps chalna hai; is se poora system slow hota hai aur touch mein der lagti hai. Cache saaf karein aur faltu apps band karein.
Agar sirf screen ke kisi aik hissay mein der ho rahi hai to wahan dead touch zone ho sakta hai — dialer mein *#0*# (Samsung) se touch test kar ke confirm karein. Warning: charging ke dauraan agar touch ajeeb behave kare (jumping touches), to charger nakli ho sakta hai — foran utar dein, warna screen ka touch IC kharab ho sakta hai.
📍 Mian Traderz, Sahiwal — Mobile Repairing Center
📱 WhatsApp: 0347 8750000
🔧 #MobileRepairing #MianTraderz
