Har phone thora garam hota hai, lekin agar phone charge par lagtay hi ya normal use mein bhi bohat zyada garam ho jaye, to power IC ka masla ho sakta hai. Power IC battery se milne wali bijli ko phone ke mukhtalif parts tak pohanchata hai. Jab yeh kharab ho to phone jaldi garam hota hai, battery jaldi khatam hoti hai, phone achanak restart hota hai, ya kabhi on hi nahi hota. Ghalat charger, voltage fluctuation aur paani is IC ko nuqsan pohancha sakte hain.
Pehle original charger aur cable istemal karein aur phone ko charge ke doran heavy game ya video call se bachayein. Cover utar kar check karein ke garmi kis hissay se aa rahi hai. Agar phone band honay ke baad bhi garam rahe to charge par na lagayein. Ghar par IC khud change karna mumkin nahi, kyun ke is ke liye special machine aur tajurba chahiye. Technician pehle battery aur charging section check karta hai, phir power IC test karta hai. Duplicate IC lagwane se garmi ka masla dobara aa sakta hai, is liye hamesha achi quality ka part lagwayein.
📍 Mian Traderz, Sahiwal — Mobile Repairing Center
📱 WhatsApp: 0347 8750000
🔧 #MobileRepairing #MianTraderz
