Phone pani mein gir jaye ya barish mein bheeg jaye to speaker ki awaz dab jati hai ya bilkul band ho jati hai. Ghabrayein nahi — aksar pani speaker ke jaali mein phansa hota hai aur khud nikal jata hai.
1. Phone foran band karein: Pehle phone ko band kar dein aur charger bilkul na lagayein. Geela phone charge karna short circuit kar sakta hai.
2. Pani nikalein: Phone ko halka sa jhatka dein taake speaker ke surakhon se pani bahar aaye. Speaker ko neeche ki taraf rakh kar halke se thapthapayein.
3. Chawal wala totka NA karein: Chawal mein rakhne se chawal ke chhote tukde speaker aur charging port mein phans sakte hain. Behtar hai phone ko hawa wali jagah par 24 ghante khula rakh dein.
4. Speaker cleaning sound chalyein: YouTube par "speaker cleaner sound" ya "water eject sound" search kar ke chalyein. Ye khaas frequency ki awaz speaker ko vibrate kar ke pani bahar nikal deti hai.
5. Hair dryer use na karein: Garam hawa speaker ke glue aur battery ko nuqsan pahuncha sakti hai. Sirf halki thandi hawa ya pankha use karein.
6. 24 ghante intezar karein: Pani sukhne mein waqt lagta hai. Jaldi mein phone on karne se speaker kharab ho sakta hai. Agar 24 ghante baad bhi awaz dabbi rahe to speaker saaf karwana parega.
Agar phone pani mein lamba arsa raha ho ya awaz bilkul band ho gayi ho, to technician se ultrasonic cleaning karwayein. Khud phone kholne ki koshish na karein.
📍 Mian Traderz, Sahiwal — Mobile Repairing Center
📱 WhatsApp: 0347 8750000
🔧 #MobileRepairing #MianTraderz
